[ندعوك للتسجيل في المنتدى أو التعريف بنفسك لمعاينة هذه الصورة]إنهزام وإنكسار و روح ضيعها الغياب
و النفَس ضاق و تبعثر
و الحكي بجوفي تلعثم ...
طال الغياب ..
و انجرح فيني الطموح
و العقل صابه ذهول
و الورد يهدده الذبول
و العمر فات برجى وصل السراب !!
بعثرني الغياب ..
تاهت الخطوه رجاها
وصار المدى أصغر
و الوجع .. يكبر و يكبر
صارت الذكرى أليمه
و انعدم كل الوجود
اعتلى إحساسي شرود
و اكتسى ليلي هموم
حارت جروحي .. بين نزف و ألم
و تاهت دروبي .. بين يأس و ضياع
وش بقى لي ؟؟
يوم صار الطيف يجرح من يزوره
صرت ألمح في خياله لمحةٍ تطعن خفوقي
صرت أشوف انه أناني
و يفرح بعز إنكساري
آه يا قسوة غيابه .. بددت مني الملامح
صرت أشوف اني غمامه
تروي جفاف الكون وما يهلكها الا عطشها
في عيني أشباه الظلام و سكونه
و في صمتي جروح الحروف و وجعها
حرفٍ يهدده الفنى , و حرف يغريه الصمود
حرف يشكي وحدتي .. و حرف يزرع بدربي صبر
يا الحروف .. تعبت أشكي غيابه للغياب
وينه ؟؟
عجزت ألقى له بقايا ..
من قمر ليله .. لشمس النهار و ضياها
انتظرته ونار الشوق يحرقني لهبها
رجيته .. لا يعذب هالخفوق ويقتل الفرحه بمهدها
غاب ..
ومن يروي الورد بغيابه
ذبل وردي ..
و ان كان ما يدري
ترى بداية .. نهاية الورد الذبول