بسم الله الرحمن الرحيم
والله اللي قال اللي يعيش ياما يشوف ماغلطش...
يعني الدنيا بقت غريبه والناس اللي فيها اغرب..
يعني بقي فيها ناس بتعمل حاجات الواحد مايقدرش يوصفها يعني مثلا
في بنات تسيب حبيب واحد عشان مجموعه من الشباب قال ايه .. اصحاب.. عايزه تبقي ملك الشعب يعني.. ولم تنصحها تقوول محدش ليه حاجه عندي..
وفي بنات بعد ماتعملها قيمه وتحطها في مركز بين الناس اول ما تعرف تتكلم ترد عليك مع ان انت اللي حذفت كلمه الهبله بعد اسمها مع انك تقدر تحط الصفه ده تاني بس انت تطلع احسن منها ومش هتعمل كده
وفي واحد يفضل يتكلم بدون توقف يطلع يطلع وينزل علي مافيش يعني
وفي واحد يفضل ساكت ومايتكلمش والناس بتفتكره شخصيته ضعيفه مع ان سكوته مش دليل علي انه مابيعرفش يتكلم ده حتي بيقولو ولاد البلد.. الساكت ناكت ..وهو ده اللي بكسب في الاخر ماهو ده اللي بينزل ينزل ويطلع مره واحده ومحدش يقدر يوقفه غير ربنا
وفي الاخر في واحد بيقوول ..الدنيا دي مولد بس اوعي تطلع من المولد بلا حمص..
بس امانه يا جماعه محدش ياخد الموضوع علي نفسه اللي علي راسه بطحه بيحسس عليها
وفي الاخر دي نماذج من الحياه
الشبح المصري