بسم الله الرحمن الرحيم
اولا كل اللي نزل عندنا في جامعه حلوان اكيد يعرف شارع اداب عند كليه اداب
المهم الحكايه دي حصلت معايا بجد كنت ماشي لوحدي هناك فجاه لقيت شاب شعره منعكش ودقنه طويله وهدومه مكرمشه مع ان شكله ابن ناس مسك ايدي وقالي.....الدنيا غداره من زمان والطيبين مالهومش مكان.....قلتله وده من ايه يعني قاللي حبيبتي سابتني قلتله لا والله وانا هرجعهالك مثلا قاللي لا بس ....وسكت بصراحه الواد صعب عليا اوي قلتله تعالي وحطيت ايدي علي كتفه وقلتله احكيلي فتح في الكلام وقاللي
....كنت بحب واحده ومن غير سبب قالتلي مش هكمل معاك مع انها قبليها بيومين كانت بتقولي ابوس ايدك ماتسيبنيش....اعمل ايه؟....
قلتله انت زعلان ليه قاللي....انا مش زعلان انا صعبان عليا اني حبيتها وهي ماحبتنيش صعبان عليا اني ات عشمت فيها وهي غدرت بيا صعبان عليا اني كان نفسي اكمل عمري معاها وهي كانت بتلعب بيا.....وقالي حوالي 12 جمله بتبتدي بكلمه صعبان عليا وكان الرد الطبيعي بتاعي قلتله....انا صعبان عليا الوقت اللي ضيعته معاك.... ومشيت خطوتين بالظبط ورجعتله تاني قلتله باقولك ايه...لو حبيبتك اللي سابتك قالتلك عايزه ارجع هتردي ترجعلها قاللي ..لا طبعا..قلتله ومش هي اللي سابتك من غير سبب قاللي..اه.. قلتله خلاص يبقي هي الخسرانه مش انتوبعدين خدته ومشيت بيه شويه وقلتله كلمتين كان جدي الكبير بيقلهوملي وهم.....كل حاجه بتاخد وقتها ومش عيب ان انت تزعل بس العيب ان زعلك يطول وخصوصا علي حاجه ماتستهلش وبعدين راحت ولا جت دي دنيا مالهاش امان....وضفتله كلمتين من عندي وقلتله....البنات كلهم واحد علي راي الاستاذ ابو اللليف ...دول كربونه وشبه بعض....وقلتله انت ممكن تكون خسرت بنت زيها زي غيرها بس انت كده كسبت نفسك ولا ايه؟......سكت ماردش قلتله انت في سنه كام قالي تالته قلتله يعني فاضلك سنه وتتخرج وتشتغل وتبدا حياتك ولا عايز حياتك تقف علي واحده سابتك وبعدين روح احلق دقنك وظبط شكلك كده وخلص الجامعه عشان اللي سابتك لما تشوفك بعد كده تعرف ان هي اللي خسرتك مش انت اللي خسرتها ولا ايه؟....
فضل الشاب باصصلي شويه وبعدين قاللي باي ومشيت
تاني يوم علي طول كنت ماشي عند البوابه لقيت شاب ولا نجوم السيما مسرح شعره ومظبط دقنه ...ممثل ماشي....لقيته قرب عليا وجاي يسلم سلمت عليه وحضنته وبوسته قالي عامل ايه كويس وانت قالي الحمد لله وسكتنا راح قاللي انت مش فاكرني ولا ايه قلتله لا فاكرك بس مش قوي قاللي ....انا اللي كنت عند شارع اداب امبارح....قلتله لا يا راجل بس في فرق كبييرقاللي عادي بس كلامك فوقني قلتله اي خدمه وضحكنا شويه وبعدين مشينابس اللي انا مستغربله بجد ان زمان الولاد هي اللي كانت بتلعب بالبنات وبعدين تسيبهم بس دلوقتي الموضوع اتعكس البنات هي اللي بتلعب بالشباب وبعدين تسيبهم
...............سبحان الله.................
الشبح المصري