حسبه برما

موضوع: حسبه برما الثلاثاء يونيو 15, 2010 9:35 am

حسبه برما
كتير مننا يبقى قاعد مع صاحبه
وهما الاتنين بيحلوا مسأله
وواحد من الاتنين يروح قايل للتانى " هو انتا مش عارف تحلها ليه "
هى حسبة برما
على اساس ان حسبه برما ما تحلتش
الاول برما هى قريه صغيره بمحافظه الغربيه
تبعد عن طنطا بحوالى 8 كيلو متر
ومشهوره بالدواجن والبيض
وتم تسميه الحسبه على اسمها لأن حادثه الحسبه وقعت فيها
وكانت كالأتى " فى يوم من الايام بتاعت ربنا دى كانت واحده من الناس ماشيه فى الطريق وشايله عدد من البيض فى سله ، وجه واحد بالعجله وراح خبطها ، الشخص ده طلع راجل جنتل وقرر يعوضها عن البيض
قالها " انتى كان معاكى كام بيضه وانا ادفعلك تمنه "
قالتله " انا معرفش
بس لما كنت برصهم اتنينات كان بيتبقى معايا بيضه
ولما كتت برصهم تلاتات كان بيتبقى معايا بيضه
ولما كنت برصهم اربعات كان بيتبقى معايا بيضه
ولما كنت برصهم خمسات كان بيتبقى معايا بيضه
ولما كنت برصهم ستات كان بيتبقى معايا بيضه
ولما كنت برصهم سبعات مكنش بيتبقى معايا حاجه "
احتار الراجل فى ايجاد عدد البيض وحيرنا معاه
ولما وصل علم الرياضه مصر اكتشفوا ان الحل
حلها قبل متشوفه ووربنا حلك
عفوا الاجابه مخفيه لحين الرد

طبعا انتا دماغك هاتودى وتجيب عشان تعرف ازاى جت
بس الحسبه مكنتش دى مشكلتها
مشكله الحسبه ان اى مسأله او حسبه بنحسبها احنا فى حياتنا بيبقى ليها حل واحد
بس حسبه برما كان ليها اكتر من حل
وهو ده الى خلى الناس تستخدمها كلفظ على المسائل الصعبه
وحلولها هى
عفوا الحلول مخفيه لحين الرد

والسلام عليكم ورحمه الله وبركاته

عضو فعال عدد الرسائل : 13

مش عارفه احلها قول الحل

موضوع: رد: حسبه برما الثلاثاء يونيو 15, 2010 4:01 pm

حسبة برما ليها طريقه واحده بس حلولها كتير ومعظم المشاكل او المسائل اللي بنقابلها ليها طرق كتير بس حلها واحدعشان كده بنقول حسبة برما لأنك لو معرفتش الطريقه دي المسأله مش هتتحل وبما ان حسبة برما ليها طريقه واحده يبقى الاجابة 301 بيضة

موضوع: رد: حسبه برما الخميس يونيو 17, 2010 3:49 pm

اكيد بعد ردك
شفتى الاجابه
وعرفتى حلولها
والطريقه الى بيتيجى بيها