فايرس عضو فضى متميز
الابراج : عدد الرسائل : 33 العمر : 34 اعلام الدول : المهنة : الهواية : الاوسمة :
| موضوع: حتى ابليس هاجر من مصر الأربعاء يونيو 10, 2009 2:03 pm | |
| حتي إبليس هاجر من مصر
على باب سفارة كندا.. لمحت ابليس و ف ايده استماره..
بقول له على فين.. قاللي بص .. يا هجره يا اعاره..
يا عم زهقت.. كفرت .. الاقيش معاك سيجاره..
انا انتهيت خلاص .. لا نافع وسواس ولا خناس
ولا ليا عيش وسط الناس..
دي عالم مجرمين.. عندكوا فائض ف الفساد..
في كل البلاد..
ومش محتاجين شياطين .. مليش عيش ف دي البلاد..
....
بقالي سنين عاطل .
و انتوا بتعرفوا تقلبوا الحق باطل..
و تسلكوا القاتل .. و تمشوا ف جنازة المقتول..
ومفيش مشاكل..
يا عم ده انا بقيت أوسوس بالمقلوب..
و أقول للحرامي .. كفايه بقى .. توووووب..
انت ايه . لوحدك هاتعمل كل الذنوب..
و أنا ابليس أشتغل واعظ .... ولا كمساري ف اتوبيس..
يا عم ده انا زمان
كنت استنى حد ينسى يسمي وهو بياكل لقمته..
دلوقتي كل اكلكم ملوث .. و بصراحه الواحد خايف على صحته..
ده مفيش ضمير اساساً عشان اموته..
و كل واحد بمزاجه .. خربانه ذمته..
يا عم ده كل حاجه اتسرقت..
وكده الاجيال الجديده م الحراميه اتظلمت..
يا راجل ده من كتر ما لطشت معايا..
خرجت ف مظاهره مع الناس اللي بتقول كفايه..
و برضه ........... مفيش فايده | |
|
elray2 Admin
الابراج : عدد الرسائل : 711 العمر : 33 العمل/الترفيه : طالب المزاج : رايق اعلام الدول : المهنة : الهواية : الاوسمة :
| موضوع: رد: حتى ابليس هاجر من مصر الأربعاء يونيو 10, 2009 3:20 pm | |
| هههههههههههههههههههههههههههههههه يابنى البتاعة دية الى مقلفينا عيال عندنا فى الجامعة من اتحاد الطلاب ايام ماكانوا قايمين بمظاهرة علشان المصاريف وحوار الكليات الى مش بتتسجل فى النقابات | |
|
فايرس عضو فضى متميز
الابراج : عدد الرسائل : 33 العمر : 34 اعلام الدول : المهنة : الهواية : الاوسمة :
| موضوع: رد: حتى ابليس هاجر من مصر الأربعاء يونيو 10, 2009 4:10 pm | |
| كـــلــمـــة شــكـراً كــفــايــه اوى
لــكــن انت لازم تعمل تعليق على كل حاجــــــــــــه
ما تريح دماغك يا راااااااااايـــــــــــق | |
|
elray2 Admin
الابراج : عدد الرسائل : 711 العمر : 33 العمل/الترفيه : طالب المزاج : رايق اعلام الدول : المهنة : الهواية : الاوسمة :
| موضوع: رد: حتى ابليس هاجر من مصر الأربعاء يونيو 10, 2009 5:05 pm | |
| عيب عليك اصل انا بحب اقول الى فى نفسى وعلى العموم شكرا
بس بردة الواد الى عندنا هو الى مالفها
هههههههههههههههههههههههههههههه | |
|