لحظات من القلب للقلب

السلام عليكم ورحمة اللة وبركاتة اعزائى اعضاء منتديات الحب الصادق تحية كبيرة وبعد
لكل حب احباء ولكل حبيب حبيبة واليوم هو العرض الساخن فى معرضنا للكلام عن الحب
مجموعة لحظات مختلفة لمواضيع مختلفة سوف اطرحها عليكم لتبدوا ارائكم فيها
اللحظة الاولى :
محمود العسيلى قالك اصعب حاجة فى الدنيا ان الى بتحبة مش فاهم انك بتحبة وبتفكر فية
واحلى حاجة فى الدنيا انو يجيلك وفى ثانية ويقولك انو حاسس بالى انتا حاسس بية
الراجل مغلطش طب هاقولكوا اية حد جرب الاحساس دة قبل كدة
اللحظة التانية :
من اصعب اللحظات التى قد يواجهها الانسان فى حياتة هى لحظة الفراق ولكن
مابالك اذا كان هذا الفراق فراق مشمول بامل او فراق الى الابد
اعتقد ان تلك اللحظة من اصعب اللحظات التى قد يواجهها انسان فى حياتة
وقد تكون الشوكة التى قسمت ظهر البعير
عندما يرى حبيبتة تموت امام عينية
موقف فى منتهى القسوة من حياتنا
السؤال هنا انهو اصعب دى ولا الى قبلها
انتوا ادرى
اللحظة التالتة :
ما اسوء هذا الاحساس عندما تحب شخص ما حبا شديدا
وتكتشف انة يحب احدا اخرا ويعيش معة بكل سعادة
ما موقفك حينها ؟
هل ستظل وراءة الى ان يسمعك ما لا يرضيك ؟
ام ستتركة يعيش حياة سعيدا متمنيا لة الخير ؟
اللحظة الرابعة :
بند قد فرضتة الحياة علينا عندما تجد نفسك تضحك وفى عينيك الف دمعة
ولا تستطيع اظهار هذا الدموع لانك مش لاقى الى تأمنة على دموعك دى
وتتسبب فى احباط شديد واحيانا بتقلب بمرض
ياترى بتعمل اية ؟
بتفضل تكبت فى نفسك؟
ولا اول ما تنفرد مع نفسك بتسيب دموعك تسيل بدون تفكير ؟
اللحظة الخامسة:
لما تكون بتحب حد اوى لدرجة انك مش قادر تستحمل فراقة
وفجأة وبدون سابق انظار تلاقية بيقولك hard luck
هايبقى اية موقفك منة ساعتها ؟
هل هاتقرر انك تنفصل عنة بدون معرفة السبب ؟
ولا هاتحاول تعرف السبب وتبتدى العلاقة بية ؟
وهل ياترى هاتكرهه لدرجة انك هاترفض الكلام معاة نهائى ؟
ولا هاتحاولوا تبقوا اصدقاء وتبدأ العلاقة من جديد ؟
القرار ليك
اللحظة السادسة :
لقد انعم اللة علينا بنعمة قد لا نحسها الا فى وقتها
الا وهى النسيان
فما اجمل النسيان الذى يتحول غالبا الى تسامح
وذلك عندما تنسى جرح من احببت
تلك اللحظات قد اكون من اصعب اللحظات التى قد تواجهها فى حياتك ولكن تلك هى الحياة
فعلا هى دى الحياة
انهاردة حب
بكرة دموع
بعدة مش عارف اية الى هايحصل ؟
فقمة التحدى ان تعشق من ليس لك !
وقمة الحزن ان تبتسم وفى عينيك الف دمعة
وقمة الالم ان تسكت وفى قلبك جرح يتكلم
وقمة الاستغراب ان تنجرح ممن تحب
وقمة الحب ان تحب من جرحك
وقمة الوفاء ان تنسى جرح من تحب
مستنى ردودكوا وارائكوا فى اللحظات الى فاتت دى وياريت كل واحد يقول هو عاش انهوا لحظة فيهم
والسلام عليكم ورحمة اللة وبركاتة
اعدها وكتبها / سامى محمد صلاح
امير الرومانسية elray2
هى اية الحياة / تامر حسنى

يا سمسم معلش فى اللحظة التانية أسمها القشة التى قسمت ظهر البعير مش الشوكة ..اللحظة التالتة هسيبة يعيش حياتهة وانا هعيش حياتى على راى الفنان تامر حسنى .. الرابعة بكبت فى نفسى وانا مع الناس ولما انفرد بنفسى ببكى ولكن دا نادرا لما بيحصل ..السادسة معتقدش ان حبيبتى ممكن تقولى الكلمة دى لان هيكون بينا أيام حلوة كتير ولو حصل كدة هقول جملة بسيطة اوىى وفى وقتها هكون شايلة من دماغى الجملة العشرة مش بتهون غير على اولاد الحرام وهيا هانت عليكى مش هجيب سيرة الحب والاحلام لان دا كلام وقتها بيبقى مفروغ منة .. اللحظة الاخيرة بالنسبة لى ان قمة التحدى هى ان تضحك عندما ينتظر منك كل من حولك ان تبكى

تسلم على ردك وانتقادك ولونها مجتش من كلمة يعنى
قشة شوكة المهم ان هى قسمت ظهر البعير

نايس سمسم اختيار مواضيع ونايس بجد تانى مرة انت عجبتى فى مووضوع التقسيم وهى دى الحياه عبارة عن ايه حــــب وفراق وحزن وتفادى وحب من طرف واحد وهى دى الصدمة الصح واه من الحياه

عالى الفيديو دا يا حودا !!!

اى خدمة يا صقر احنا عنينة ليكو والكل عارف كده هدفنا الأمتاع وليس الأستمتاع ولآ انت ايه رأيك

ياعم حرام عليك بقى
انا هابتدى ادايق
بفديوهاتك دى

» لحظات من القلب للقلب 2
» لحظات من القلب للقلب 3
» لحظات من القلب للقلب 4
» لحظات من القلب للقلب 5
» ما أصعب لحظات الانتظار‏