بسم الله الرحمن الرحيم
قصه النهارده بجد جامده وهي قصه حقيقيه حصلت في الجامعه
تبدا القصه لما بطل القصه حبيبته بتسيبه وتتخلي عنه وساعتها البطل حس ان الدنيا سوده في عينه وفضل علي الحاله ده حوالي 3 شهور لغايه ما ربنا رزقه بواحد ابن حلال ونصحه وقاله مش دي النهايه دي البدايه بس ولازم الانسان ياخد ضربه عشان يفوق ويبص لقدام صاحبنا البطل حط الكلام في دماغه وبص لقدام وخلص السنتين اللي كانو فاضلينلو في الجامعه واتخرج واشتغل في بنك كبير وقابل واحده بنت حلال واتجوزها وجابو بنت زي القمر شبه مامتها وصاحبنا البطل ربنا كرمه اوي بحق الغدر الي شلفه علي ايد حبيبته اللي سابته وباعته بالرخيص وبقي يعلي في المناصب في البنك اللي هو شغال فيه لغايه بعد تسع سنين من تخرجه بقي مدير البنك اللي هو شغال فيه وصاحبنا نسي حوار حبيبته اللي سابته لغايه يوم جميل فاصل في حياه صاحبنا كان قاعد علي مكتبه في البنك وبيكلم مراته في التليفون ولحظه ما بنته خدت التليفون عشان تكلمه كان بيقوم من علي الكرسي وبيبص من الشباك اللي ورا المكتب سمع خبطه علي الباب راح طرقع بصوابعه وهو واقف ووشه للشباك وضهره للباب وقال اتفضل وتخيلو ميين داخله من الباب...حبيبته اللي سابته من تسع سنين..جايه عشان تعمل وديعه باسم ابنها هي مافتكاريتهوش بس هو افتكرها من اول نظره وايديه اترعشت وهو بيكلم بنته وقالها اقفلي يا حبيبتي عشان بابي عنده شغل واستاذن من حبيبته اللي مافتاكاريتش شكله من اول نظره ودخل الحمام وبص في المرايه وافتكر حبيبته وهي بتمسك ايده اول مره وافتكرها وهي بتسيب ايده وافتكرها وهي بتقووله بحبك وافتكر نظره القسوه واللامباله في عينها وهي بتقوله مش هينفع اكمل معاك وطريقك غير طريقي وبعدين افتكر مراته اللي وقفت جنبه وبنته اللي مستنياه يرجع البيت وساعتها قاال لا مراتي وبنتي هما اللي يستاهلو اني افكر فيهم مش اللي باعتني ووقتها خرج من الحمام وقعد علي مكتبه وقالها تحت امرك يا وساعته احتار يناديها بايه يقولها يا حبيبتي ولا باسمها ولا ايه لحظتها وقعت عينه علي صوره مراته وبنته اللي علي المكتب وقتها خد نفسه وقالها تحت امرك يا مدام اتكلمو عادي لغايه ماخلصت اللي هي جايه علشانو وهي قايمه تمشي وقعت عينيها علي اسمه اللي علي المكتب قالت مش معقوول يكون هو بصت في وشه وبعدين قالت شكرا وسلام عليكم واديته ضهرها ومشيت خطوتين بالظبط ووقفت وافتكرت كل حاجه حصلت مابينهم وافتكرته بعد ما هي سابته وجالها قالها انا لسه بحبك وهي سابته وقالتله مستحيل ابدا هنرجع وبصتله وبعدين بصت علي المكتب وعلي صوره وسالته ممكن اسالك سؤال هم مين اللي في الصوره فهم انها افتكرته ورد عليها وقالها دول عمري كله بصتله وفهمت قصده وقالت ميرسي ومشيبت وفضلت مستنيه في العربيه بتاعتها لغايه ما هو مشي ومشيت وراه بالعربيه لحد ما وصل للفيلا يتاعته ولقي مراته وبنته مستنيينه علي الباب واول مانزل من العربيه خدهم في حضنه وساعتها اتمنت صاحبتنا حبيبه البطل اللي سابته انها تكون مكان مرات البطل وافتكرت جوزها اللي مابيعاملهاش معامله بني ادميين وافتكرت البطل لما كان حاططها في عينيه ولاول مره ندمت علي انها سابت البطل في يوم من الايام وقالت يااااااه انا اللي بعته
بس بعد ايه البطل بعد ما رجع البيت وشاف مراته ونته حلف ان حبيبته اللي سابته هتخرج من قلبه ومن عقله للابد وبكده خلصت الحكايه واكيد اللي بيختار هو اللي بيتحمل نتيجه اختياره
الشبح المصري