لعبة قدر

موضوع: لعبة قدر الثلاثاء أبريل 27, 2010 2:28 pm

كان الجو هادئا حينما رأها لأول مرة ، فى حالة من السكون والبراءة التى لم يجدها فى إمرأة من قبل
وقد اعجب بها اعجاب سطحى لم يكن مؤكد
لانه رأاها فى مكان لم يكن يتوقع رؤيتها مرة اخرى فية
وحتى ولو رأاها مرة اخرى فسيكون هذا من محض الصدفة
لذلك انتقل الى ايامة كالعادة لا يلتفت لأى احد

ولكنة فى هذا اليوم شعر بأمر غريب حقا
وهذا حينما رأاها للمرة الثانية فى جامعتة الذى يدرس بها
وحينها ادرك صديقة ان تلك هى الفتاة التى رأوها بالأمس
وقد احاط بة علما قائلا " مش دى البنت الى عجبتك اوى امبارح "
نظر اليها ثم نظر الية بابتسامة صفراء قائلا " ايوة هى "

وما كان علية إلا ان يتعجب مما هز كيانة فى هذة اللحظة
وما كان علية إلا البحث عن طريقة ليستطيع الوصول اليها بها
والبحث عن معلومات حولها ايضا

ومرت
الايام
والليالى
والشهور
والسنين
وهو يلتفت اليها
وتلتقت الية
وتتوالى النظرات
ومرت الكثير من الحوادث التى لا يمكن سردها فى قصة قصيرة

باختصار

تخرج هذا الشاب من الجامعة
جامعا كل قوتة فى العمل
تاركا تلك الفتاة التى لم يحب قلبة غيرها
واستمر على ما هو علية

الى ان ارتبط بإنسانة اخرى يعرف عنها الكثير والكثير
ولكنة لم يحبها قدر الحب الذى احبة لتلك الفتاة
إلا انة اصر على صيانتها كما تصونة
حتى جاء اليوم الموعود ( كسر توقعات )

نزل بعد سنتين من انتهاء دراستة الجامعة صدفة
ليقابل احد الاصدقاء القدامى
واذا بة يتحدث مع صديقة عليها
ليجدها وراءة هى وزميلتة

سلم عليهما ولاحظ نظرة غريبة فى عين الحبيبة
الا انها اخفت تلك النظرة بقولها " انا سمعت اسمى فى الكلام دة الكلام دة عليا "
يرد صاحبة " ايوة "
فيقول لة " اسكت "
فترد زميلتة " ايوة "
فيقول لها " اتخرسى "
فإذا بالحبيبة تقول لهما " انا مسألتكمش انتم انا بسألة هو "
فبدت علية الدهشة فلماذا هى تسأل سؤال مثل هذا؟
خارجا هذا الكلام على لسانة قائلا " لية "
فقالت لة " متردش على السؤال بسؤال "
فقال لها مسلما " ايوة الكلام دة عليكى "
مكملة اسئلتها الجارحة " ولية مقولتليش ؟ "
فقال لها " سئلت صحبتك قالتلى انك مرتبطة وبتحبى الى انتى مرتبطة بية ومحبتش انى اضايقك او افسد سعادتك "
ردت قائلة " من امتى الكلام دة "
رد عليها " من سنتين "
فالتفتت الى صديقتها فى استغراب وقد صعقتها بالسؤال نفسة " وانتى بقى مقولتليش لية على الرغم من انى قولتلك ان انا بحبة مكنتيش عايزانى لية ولا مستكتراة عليا "
ثم نظر الى زميلتة هو الاخر قائلا " وانا سألتك اية رأيها لية مقولتليش انها بتحبنى؟ "

وكانت الصديقة تحاول تبرير موقفها الغير مفهوم الى ان جاءتها الحيلة

فقالت " عايز تعرف انا مكنتش عايزاك تعرفها لية "
رد قائلا " ياريت "
ردت علية " لان انا كنت بحبك وانتا كنت بتحبها اوصلك ليها بإيديا "
نظر اليها وهى تبكى نظرة باكية وقد قرر الانصراف

ولكن صاحبة حاول انقاذ الموقف قائلا " ادينا فيها انتا موجود وانتى موجودة وانتوا الاتنين بتحـ..... "
وقد قاطعة الفتى قائلا " لا تتفوة بكلمة اخرى فى هذا الموضوع فانا مرتبط واحب من انا مرتبط بها عذرا ياانستى قضى الامر الذى فية تستفتيان على الرغم من انى محبتش حد فى الدنيا دى قدك "

وانصرف
وانصرفت
وبات كل منهم يبكى على ما ضاع منهم
وكل من حولة لامة على ما هو فية
ولكنة صغر فى عين الناس ولكنة كبر فى عين حبيبتة وعين نفسة
لانة كان متيقن تماما ان الموضوع ما هو الا لعبة قدر
تمت
تأليف وكتابة / سامى محمد صلاح الدين رفاعى
امير الرومانسية
elray2

موضوع: رد: لعبة قدر الأربعاء أبريل 28, 2010 8:29 am

.....محدش بياخد اكتر من نصيبه.....

موضوع: رد: لعبة قدر الخميس أبريل 29, 2010 12:27 am

بس كل واحد فى ايدة يقبل ومايقبلش

موضوع: رد: لعبة قدر السبت مايو 01, 2010 8:31 am

يابني ده قدر وانت تروح وتعمل اللي يقدرك عليه ربنا وفي الاخر مش هتاخد الا اللي مكتوبلك
البني ادم بينكتب رزقه من قبل ما يتولد
وفكك من حياتك كالملعقه الذهب والكلام ده
.......كله مقدر ومكتوووووب......

موضوع: رد: لعبة قدر السبت مايو 01, 2010 5:47 pm

اقتباس :: يابني ده قدر "وانت تروح" وتعمل اللي يقدرك عليه ربنا

اروح فين
وبعدين ربنا قالك اعقلها وتوكل
على قد ما هاتعمل هتلاقى
متقوليش نصيبك انك تنجح وانتا اصلا مذاكرتش
متنفعش
مش تقولى بلا حياتك ملعقة ذهب بلا بتاع

موضوع: رد: لعبة قدر الثلاثاء مايو 04, 2010 8:10 am

تروح المولد وتجيب بجنيه حمص وحلاوه وتقعد تاكلهم

وبعدين في حديث عن الرسول..ص..اخره ....رفعت الاقلام وجفت الصحف....يعني خلاص كل بني ادم خد رزقه اللي مكتوبله
وبعدين البني ادم من قبل مايخرج للدنيا وهو عنده 3 شهور في بطن امه بيتحدد رزقه شقي ام سعيد غني او فقير وكل الكلام دهوفي الاخر....قل لن يصيبنا الا ما كتب الله لنا....
ولا ايه

موضوع: رد: لعبة قدر الثلاثاء مايو 04, 2010 12:20 pm

مهو انتا بردة هاتعمل الى مكتوبلك عشان تبقى سعيد او شقى او فقير او غنى
هاتفضل تغير فى الدوايير الصغيرة لكن الدايرة الكبيرة واحدة

» لعبة gta 8
» شفرات لعبة gta
» لعبة mad caps
» لعبة barbie
» لعبة snailmail