بداية النهاية

موضوع: بداية النهاية السبت مايو 22, 2010 12:59 pm

بدى كل منهما يحب الاخر لفترة طويلة
ولكن لا يصرح كل منهما للاخر بهذا الحب
ودام هذا الموضوع مدة طويلة
وهو يحاول التقرب اليها
وهى تحاول التقرب الية
الى ان حدث بالفعل التقارب بينهما
وتحدثا
وصرح كل منهما للاخر بمشاعرة بعد ان كانت مخفية
وسرعان ما تم قول الكلمة التى نعرفها جميعا
" بحبك "
لندخل عالم اخر من عالم الرومانسية
ونعيش مع قصة من اغرب قصص العاطفة

قرر الشاب الارتباط بها رسمى
ولكن ما من مفر
فهو لم يمتلك القدرة على اتخاذ مثل هذا القرار
ولم يجد من يلجأ الية فى اتخاذ القرار الا ابية
ودخلا مع بعض غرفة واغلقا على نفسهما الباب
تعالوا مع بعضينا نتصنت عليهم

الاب : اية مشكلتك يابنى ؟
الابن : انا بحب
الاب : واية الى فيها ؟
الابن : عايز ارتبط بيها رسمى
الاب : واية المشكلة؟ ما تروح تقولها الكلام دة
الابن : انا بالفعل كلمتها وقولتلها على الموضوع دة بس بردة فى مشكلة
الاب : انتا هاتوجعلى دماغى خش فى الموضوع على طول
الابن : المشكلة كلها انها اخت صاحبى
اندهش الاب قائلا
الاب : انتا اتجننت يلا ، حبيت اخت صاحبك ، دى اسمها قلة اصل ، وياترى بقى هو عارف ولا لا
الابن : طبعا لا ، وانا مش عارف اعمل اية
الاب : تاخد كلامى وتعمل بية ولا هتعملى ودن من طين وودن من عجين
الابن : اكيد هاخد كلامك وهاعمل بية امال انا لجأتلك لية
الاب : ابعد عنها ومتكلمهاش وقول لاخوها قبل ما تاخد اى قرار
الابن : مقدرش
الاب : يبقى تخرجها من حياتك مفيش حب بيقوم على غش وخداع
الابن : انتا شايف كدة
الاب : انا قولتلك الى عندى ولازم تاخد قرارك

خرج الابن منكسرا من محاضرة ابية القوية
ولكنة لم يستطيع يفكر الا من ناحيتة فقط
فالانسان بطبعة انانى
فقد قرر بعد طول تفكير استمر عدة ليالى
الا يخسر صديقة
ولكن ليس حبا فية
بل لانة الهدف الاول للوصول لاختة
وحينها اتصل بها وكانت مكالمتهما كالتالى

هو : ازيك
هى : الحمد للة
هو : عاملة اية
هى : الحمد للة تمام ، مالك صوتك مش عاجبنى
هو : انا كلمت بابا فى موضوعنا وقالى انى مينفعش ارتبط بيكى على الاقل فى الوقت الحالى
هى : عشان مصاريف الجواز وكدة
هو : لا المشكلة كلها ان الموضوع مينفعش يستمر الا لو كان رسمى وانا مقدرش امشية رسمى دلوقتى
هى : يعنى انتا عايز اية دلوقتى
هو : انا قررت اننا نبعد لحد ما ربنا يسهل ونشوف هانعمل اية
هى : اوكى انتا قررت ودة قرارك لوحدك وانا وافقت علية لما تبقى جاهز انك ترتبط بيا رسمى ابقى كلمنى
واغلقت السماعة وتمت قصتنا عند هذا الحد

اسئلة الحلقة
1- هى تعمل اية ؟
2- لو انتا مكانة هاتعمل اية ؟
3- تتوقع ان تكون دى لعبة بيلعبها من الاول ؟
4- هل من الممكن ارتباطهم ببعض ؟
5- هايبقى اية رد فعلك لو انتا اخوها ؟
اعداد وكتابة / امير الرومانسية
سامى محمد صلاح

موضوع: رد: بداية النهاية الأحد مايو 30, 2010 8:18 am

انا هسأل سوال واحد بس لو اخو صاحبتنا ده عرف كانت هتفرأ معاه
وماتقوليش انه صاحبه والله ما كانت هتفرأ
عارف الواد ده كان يرد علي ابوه بكلمه واحده بس يقوله
.....يا بابا اخوها ده بيس وبعدين هي هتيجي عليا.....وصحيح هي هتيجي عليه
اشمعني هو يعني
وانا لو مكان الواد ده ابعد عنها مش عشان اخوها ال ..بييييييييس.. لا عارف هبعد ليه....
ولا اقولك لما اشوفك احسن
الشبح المصري

موضوع: رد: بداية النهاية الأحد مايو 30, 2010 3:10 pm

انتا رديت على اخر سؤال بس
فين الباقى