الفاظ دوت كوم

موضوع: الفاظ دوت كوم الجمعة يوليو 09, 2010 3:17 pm

من اغرب الحاجات الى بقيت اشوفها فى حياتى اليومية هى ( الألفاظ )
زمان ، كان الانسان ممكن يقول الكلمة باكتر من لهجة
لكن ، النهارده بقى الواحد بيقول اللهجه بأكثر من لفظ

والغريبه بقى انك تلاقى كل حى وليه الفاظة
وكل منطقة وليها الفاظها
وكل محافظة وليها الفاظها
وكل بلد وليها الفاظها ، .... الخ الخ الخ

المشكلة انك بتلاقى الالفاظ دى فيها مشكلة عند بعض الناس فى ترجمتها
دة غير ان الشباب بيقولوا كلام الناس الكبيرة مش بتعرفة والعكس صحيح
والمشكلة دلوقتى ان الكلام دة بيحصل فى الحب كمان
واحيان الحبيب مبيكنش فاهم حبيبته والعكس صحيح

المهم
انا جبت الالفاظ دى وحطيت شوية منهم
عشان نضحك ليس إلا

زى اما تكون مع واحد صحبك
وبنت تعدى من جنبكوا
يقولك البنت دى طلقة
دة على اساس انها ماشية بسرعة 400 ك / ث

وكلمه فورتيكه
وكلمه قنبله

ولما تكون بتضايق واحد
يقولك دة انتا عيل نفخ
وانتا اصلا تكون رفيع
على اساس انك بالونه مثلا يعنى
متفهمش ايه قصده منها

ولما واحد يحب يخرج من حوار
يقولك اكرف
دة على اساس انك لين يعنى

ولما واحد يكون بيتخانق مع واحد
يقولة انتا عبيط
على اساس انه بيضرب ابن الرئيس مثلا
مش فاهم

وناس تقولك يابن التيت
على اساس ان تيت ده حيوان جديد منعرفهوش
متقوله يابن الحمار اسهل مدام نويت تشتم

وسرنجاتى
وسيكوباتى
وشهيصنى
ومستكنيص
وعلى الجانط
ومديها افيهات
وتهييس
وكاورك
وخرونج
وحبولا
وزنخ
وفاكسان
وشفخه
ونايتى
وزعبولا
وبيس
ومنفسن
مهمزنى

وعلى الرغم من انها الفاظ غريبه
الا انها دلاله على ان الشعب ده
مهما كانت المأساه الى هو فيها
الا انه يعرف يخرج من جو المأساه دة
لجو من تأليف الكلمات
الى انتا ساعات بتقعد تضحك عليها لما تسمعها
ودلاله على ان شبابنا لسه بخير
بيعرف يتكلم قدام الف واحد
من غير ما يعرفوا هما بيتكلموا فى ايه

تحياتى لمن دمر حياتى / سامى محمد صلاح
الرايــelray2 يسند على الكوباية والكل يكتب حكايه
ابو الليف / انا جبت شقه

الموضوع جامد جدا و اجمد ما في ان انت عرفتني الالفظ دي لاني بصراحه ماكنش عندي فكره غير عن 3 او 4 بس شكرا ع المعلومه

ده من بعض ما عند الشباب
ده كل منطقه ليها الفاظها
ومتعديش